Redmi Phone ki Screen ko Computer par Kaise Cast Karein Bina Kisi Sofware Ke

Redmi Phone ki Screen ko Computer par Kaise Cast Karein Bina Kisi Sofware Ke
Spread the love

Namaskar Doston is Post me Hum Baat Karegein ki kis tarah se Aap apne Redmi Phone ki Screen Ko Apne Computer Ya Laptop ki Screen Par Dekh sakte hain aur wo bhi bina kisi Software ya App ko Install Kiye. Yah ek bahut hi aasan si trick hai aur ho sakta hai ki aapme se kai log is tricks ke baare me jaante bhi honge agar nahi jaante aur apne Redmi Phone Ki screen ko Apne Computer par dekhna chahte hain to neeche diye gaye kuchh aasan se steps ko follow kijiye aap yah kaam khud hi kar lenge.

Jaroori Cheejein (आवश्यक चीजें):

Is kaam ko karne se pahle aapko kuchh requirement bhi poori karni hogi . Inme se sabse pahle aapke pass Ek Redmi Phone hona chahiye Jaise Ki Redmi 4, Redmi Note 4 ya phir inke baad ke latest phone me se koi ek. Iske saath aapke computer ko Wi-Fi Enabled hona jaroori hai kyonki hum apne phone aur computer Wi-Fi ke jariye hi Connect karegein. Is Computer me Windows 10 install hona jaroori aur aapka phone aur computer ek hi Wi-Fi Network par connect hone chahiye. Agar aapke pass ye saari cheejein Available hain to ab aap apne mobile ki screen ko computer par dekh sakte hain.

Kaise Connect Karein:

Agar apke pass Wi-Fi Enabled T.V. hai to aap bina kisi requirement ke apne phone ko connect kar sakte hain. Aur agar Laptop ya Desktop par connect karna chahte hain to sabse par apne Redmi Phone aur Computer ko Ek Hi Wi-Fi Router se connect karein agar aapke pass Router nahi hai to aap kisi doosre phone ko Hotspot banakar dono devices connect kar sakte hain lekin Wi-Fi ka hona jaroori hai. Aap bina internet ke bhi mobile ke HotSpot ko use kar sakte hain. Dono Devices ko Aapas me connect karein aur phone neeche diye gaye steps ko follow karein.

Redmi Phone ki Screen ko Computer par Kaise Cast Karein Bina Kisi Sofware Ke

Apne Computer aur Redmi Phone ko ek hi Wi-Fi Network par connect ke baad Redmi Phone ki Settings Par Click karein aur More Menu par click karein. More par click karne ke baad apko Wireless Display name (नाम) ka ek aur menu dikhai is par click karein. Agar aapne apne phone ko Wi-Fi se connect kiya hua hoga to is screen par aapko koi message show nahi hoga. Aur Agar apne connect nahi kiya hai to aapke samne ek message dikhai dekha jis par aapse kaha jayega ki apne phone ko Wi-Fi se connect karein to Aapko phone ko Connect Kar lega Hai.

Ab agali screen par apko us Display ko choose karna hai jis par aap mobile ki screen ko dekhna chahte hain. Agar koi screen dikhai nahi de rahi hai to sabse pahle apne Windows 10 Installed Computer par jaye aur Start Button par click karein yaha par apko ek Connect Name (नाम) ka ek Software Dikhai dega is par click karein aur ise open karde. Ab Vapas Mobile par jayein aur apne Computer ke Name par click karein. Click karte hi aapka phone computer se connect ho jayega aur apke mobile ki screen computer par dikhai dene lagegi. Ab aap Apne phone ki Videos, Music, Photos aur Games bhi khel Sakte hain.

* Conclusion: Doston mujhe poori ummid hai ki yah post aapko pasand aayegi. Agar pasand aaye to is post ko apne doston ke saath jaroor share karein aur agar is post ko lekar aapke pass koi sawal ya sujhao hai to, Hamein Comment ke Madhyam se jaroor bateyein.

Leave a Reply

Your email address will not be published. Required fields are marked *